Сайлау алдындағы үгіт кезінде қазақстандық БАҚ-тарда 16 мыңнан астам ақпараттық материал жарық көрді. Бұл туралы Орталық сайлау комиссиясында өткен брифингте Қазақстан Республикасы Ақпарат және қоғамдық даму министрлігінің вице-министрі Нұргүл Мауберлинова мәлімдеді, деп хабарлайды Zakon.kz тілшісі.
Оның бұл пікірі президент сайлауына азаматтар мен БАҚ тарапынан жоғары қызығушылық бар екенін дәлелдейді. Үгіттеу кезінде Ақпарат және қоғамдық даму министрлігі барлығы 802 бұқаралық ақпарат құралдарын бақылады.
Оның ішінде: 17 республикалық телеарналар, 66 республикалық баспа басылымдары, 30 өңірлік телеарналар, 519 өңірлік баспа басылымдары, 30 радиоарна және 140-тан астам интернет-ресурстар.
— Министрлік ОСК-мен бірлесіп сайлауға дайындық және оны өткізу барысы туралы сайлаушыларды хабардар ету бойынша үлкен жұмыс жүргізді. Жалпы, БАҚ-та сайлауға қатысудың ұйымдастырушылық, құқықтық, рәсімдік аспектілерін халыққа түсіндіруге арналған 5 мыңға жуық материал жарияланды. Сондай — ақ, республикалық және өңірлік телеарналарда ОСК 13 бейнеролигі ротацияланды, — деді ол.
Оның айтуынша, уәкілетті орган үшін ең маңыздысы бұқаралық ақпарат құралдарының сайлау заңнамасының талаптарын сақтауын қамтамасыз ету болды. Министрліктің екінші міндеті сайлау науқанына қатысатын барлық президенттікке үміткерлердің жұмысын тең жағдайда жария ету болды. Бұл сайлау алдындағы үгітке де, үміткерлердің қызметін жаңалық және талдау блоктарында жариялауға да және жалпы ақпараттық алаңда жария етуге де қатысты.
Бұл жерде сайлау заңнамасына сәйкес үгіт материалдарын БАҚ-та орналастыру үшін алаңдарды таңдау мәселесі президенттікке кандидаттар штабтарының айрықша өкілеттігіне жатқызылғандығын ескеру қажет. Ақпараттық кеңістікті мониторингілеу мәліметтері бойынша заң талаптары республикалық деңгейде толық көлемде орындалғанын айтуға болады, — деді ол.
Ақпарат және қоғамдық даму министрлігінің мәліметтері бойынша, 6 маусымға қарай кандидаттар мен олардың сайлауалды штабтарының қызметі бойынша БАҚ-қа 11 мыңнан астам материал жіберілген.
— Республикалық телеарналар бойынша кандидаттарды жариялау бірқалыпты өтті. Орташа алғанда, әрбір үміткердің үлесі шамамен 14,3%-ды құрады. Жалпы 2 мыңнан астам материал шықты. Республикалық баспасөз басылымдары бойынша президенттікке үміткерлердің үлесі 13,5-тен 17%-ды құрады. Әрине, ең көп материалдар интернет-ресурстарда жарияланды — 6 мыңға жуық материал. Барлық үміткерлердің үлесі 13-17 % — деді вице-министр.
Ол мониторинг нәтижелері бойынша үгіт кампаниясы аясында барлық кандидаттардың сайлауалды штабтарында түрлі ақпараттық стратегиялар болғанын атап өтті. Кейбір штабтар әлеуметтік желілер мен интернет ресурстарда ақпараттық жұмысты шоғырландыруды жөн көрді,басқалары дәстүрлі медиа-ресурстарда жұмыс істеуге ықыласын білдірді.
