Алматы әкімі Бақытжан Сағынтаев жұмыс сапары барысында Алатау ауданы Алғабас шағын ауданының тұрғындарын тыңдады.
Мегаполис әкімі Бақытжан Сағынтаев өзінің Instagram-дағы аккаунтында Алатау ауданының проблемалық учаскелерімен танысып, жұмыс комиссиясын құру шешімін қабылдағанын хабарлады.
Бірінші кезекте, Алғабас шағын ауданы №185 мектептің жанынадағы Алдияр көшесін су басу мәселесін шешу қажет. ТЖД шұғыл шаралар қабылдайды, — деп жазды Б.Сағынтаев. Инженерлік желілер салынғанға дейін жолдарға инертті материалдар себіледі.
Алғабас шағын ауданында 13,5 км су құбыры және 17 км кәріз желілері тартылып жатыр. 1011 үй үшін қосымша желілер салу жоспарлануда, осылай бүкіл шағын аудан сумен жабдықталып, су бұру жүйесімен қамтамасыз етілетін болады.
Сондай-ақ, Алматы әкімі шағын ауданындағы Набережная көшесінде арық салу мәселесін шешуді тапсырды. Бұл Әйгерім-1 шағын ауданын су басқан учаскені жоюға мүмкіндік береді.
Тұрғындар айтқан барлық мәселелерді, соның ішінде иесіз желілер, көшені жарықтандыру және қоғамдық қауіпсіздікті қамтамасыз ету мәселелерін жеке бақылауымда ұстаймын. Жұмыс комиссиясы құрылып, ол қабылданып жатқан шаралар туралы хабардар ететін болады, — деп мәлімдеді Б.Сағынтаев, жүргізіліп жатқан жұмыстардың сапасына қоғамдық бақылауды ұйымдастыру жөніндегі шағын аудандардың белсенді өкілдерінің бастамасы қолдау тапқанын атап өтті. Аудан әкімдеріне олармен тұрақты байланыста болу тапсырылды.
Жұмыс сапары барысында Б.Сағынтаев Шаңырақ-2 және «14-ші аумақ» шағын аудандағы КСС құрылысының барысымен, сондай-ақ, АЗТМ Алғабас шағын ауданда салынған желілердің жағдайымен танысты. Аталған нысан бойынша оны аяқтап, тұрғындарды қосу шаралары қабылданады.
Сондай-ақ, Әйгерім-1шағын ауданда аудан меценаттары салған дене шынықтыру-сауықтыру кешені қаралды.
