Солтүстік Қазақстан облысының облыстық прокуратурасы WhatsApp мессенджерінде өз чат құрды. Бұл туралы облыстық қадағалау органының баспасөз қызметі жазады.
Прокуратура ақпараты бойынша, чат аймақ халқымен екіжақты байланыс жүргізу үшін құрылды.
Солтүстік Қазақстан облысының тұрғындары қандай мәселе болмасын арнайы мобильдік қосымша арқылы қадағалау органының қызметкерлеріне хабарлай алады.
«Солтүстік Қазақстан облысының прокуратурасы азаматтардың құқықтарын қорғау мақсатында экология, еңбек және жер құқықтық қатынастары саласында тексерулер жүргізіліп жатыр. Азаматтардың құқықтарының бұзылуы немесе жоғарыда көрсетілген салалардағы проблемалық мәселелер туралы ақпарат болған жағдайда облыс тұрғындары 8-771-200-25-77 телефоны арқылы хабарлай алады», – деген ақпарат ұсынды облыстық прокуратура.
