Солтүстік Қазақстан облысы әкімінің орынбасары Асқар Сақыпкереев Түркістан журналистерімен кездесті. Бұл туралы Түркістан облысы әкімдігінің баспасөз қызметі хабарлады.
Әңгіме барысында әкім орынбасары журналистерге қоныс аударушыларды жайластыру туралы айтып берді. Оның айтуынша, бүгінгі таңда облыста өз бизнесін ашқысы келетін азаматтар үшін барлық қажетті жағдайлар жасалуда.
Ісін жаңа бастаған кәсіпкерлер үшін жер бөлініп, арнайы құрал-жабдықтар сатып алуға тиісті гранттар беріледі, сондай-ақ мал мен құс сатып алуға субсидиялар көзделеді.
Сақыпкереевтің айтуынша, кәсіпкерлер үшін мемлекеттік бағдарлама аясында несиелер қарастырылған.
Естеріңізге сала кетейік, Түркістан журналистері еліміздің солтүстік аймақтарына пресс-тур ұйымдастырды. Бұл іс — шараның басты мақсаты-солтүстікке көшкен оңтүстіктердің қалай өмір сүріп жатқанын білу.
