Солтүстік Қазақстан облысының әкімі Құмар Ақсақалов ауданға инвестиция тарту қарқынына және аудан әкімдері алға қойған жоспарларға разы емес, деп хабарлайды «ҚазАқпарат» ХАА тілшісі.
Әкімдік отырысында өңір басшысы үш ай және жарты жылдың қорытындысы бойынша талдау жүргізіп, әрқайсысы бойынша шешім қабылдауға уәде берді. «Жыл соңына дейін 400 млрд теңге инвестиция болуы тиіс. Біз оған қол жеткізе аламыз деп ойлаймын. Бес аудан: Ақжар, Қызылжар, Жамбыл, Есіл және Мамлют аудандарының «отырғанын» көріп отырмыз. Әр аудан бойынша 30% өсім болуы тиіс. Одан төмен болса — жұмыс істемегендерің. Жалпы, дым істемеуге болады. Өсім жыл соңында ғана емес, біркелкі болуы керек. Тоқсан, жарты жылдың қорытындысы бойынша қарайтын боламыз. Өңірде қолайлы инвестициялық ахуал қалыптасқан деп айтуға болады. Бұны екі айдың ішіндегі 23 млрд теңге инвестиция растайды. Өткен жылмен салыстырғанда, екі айда 12%-ға көп. Жеке инвестициялардың 20%-ға өсу қарқынын көріп отырмыз. Экономиканың аграрлықтан аграрлы-индустриалдыға көшуін жалғастырудамыз. Алғашқы нәтижелерді көріп отырмыз. Өткен жылы өнеркәсіптік кәсіпорындар іске қосылды. Бос тұрған үй-жайларды қалпына келтіріп, олардың орнына жаңа кәсіпорындар ашамыз», — деді Қ.Ақсақалов. Өнеркәсіп саласында жыл басынан бері машина жасау кәсіпорындары 48 млрд теңгеге өнімін өндірді. Облыс әкімі бұл саладағы өсімге ұлттық компаниялармен қолмен жұмыс жасаудың арқасында қол жеткізгеніне сенімді. «Биыл тапсырыс қоржыны 55 млрд теңге болуы керек еді. Мұны жүзеге асыру үшін зауыт жұмысшылары азаматтық өнімдерге көбірек көңіл бөлуі керек. Мемлекеттің мойнында отыруды, тек бюджет есебінен тапсырыс алуды тоқтатыңыз. Менеджментті жақсарту қажет, бизнеске бару керек. Қазір мемлекет көмектеседі. Тапсырыс көп. Бірақ нарыққа жұмыс істеу керексіздер. Көп нәрсені өндіру керек», — деді Қ.Ақсақалов.
