Солтүстік Қазақстан облысының өкілдері осы өңірді газдандыру жұмыстары келесі жылы басталады деп жоспарлап отыр. Бұл туралы «Қазақпарат» ақпарат агенттігі хабарлайды.
Алқа отырысында СҚО энергетика және тұрғын үй-коммуналдық шаруашылық басқармасының басшысы Әділбек Әубәкіров ағымдағы жылы техникалық-экономикалық негіздемеге өзгерістер енгізу және келесі жылдан бастап газдандыруға кірісу жоспарланып отырғанын айтты.
«Мен жеке өзім газдандыру жұмыстарын қадағалаймын. Алдағы уақытта біз іс-шаралардың қалай өткізілетіндігі туралы толығырақ түсінік бере аламыз», — деді Солтүстік Қазақстан облысының әкімі Құмар Ақсақалов.
Бұған дейін СҚО басшысы Қазақстанның солтүстік өңірін газдандыру бойынша жұмыстарды жандандыру мәселесі республика үкіметі деңгейінде талқыланатынын айтты. Жоспарға сәйкес, облыс кезекте үшінші болды. Өткен жылы Нұр-сұлтанға көгілдір отын келді. Екінші кезекте — Нұр-сұлтан-Көкшетау, үшінші орынды Көкшетау-Петропавл алды.
Солтүстік Қазақстанның елді мекендерін газдандыру қажет екендігін облыстық денсаулық сақтау басқармасының басшысы Тимур Сұлтангазиев те айтқан болатын. Қысқы ауа-райына, сондай-ақ қолайсыз өмір сүру жағдайларына шыдай алмайтын бірнеше дәрігер Солтүстік Қазақстан облысынан кетуге мәжбүр болды.
Сурет: inform.kz
