«Қазақпарат» ақпараттық агенттігі Солтүстік Қазақстан облысында жаңғырту жұмыстарынан кейін заманауи ет комбинаты іске қосылғанын хабарлайды.
Солтүстік Қазақстан облысының әкімі Құмар Ақсақалов ет комбинатын жаңғыртуда құрылыстың неміс технологиясы қолданылғанын айтты. Әкім кәсіпорын жылына 5 мың тонна ет өңдеп, 3 мың тонна шұжық өнімдері мен жартылай фабрикаттар шығара алатынын атап өтті. Ет комбинаты шығаратын барлық өнім экспортқа шығарылатын болады.
» Орталық Азияда теңдесі жоқ кәсіпорын. Инвестиция көлемі — 5 млрд теңге. Ет комбинатында 74 жаңа жұмыс орны ашылды, алдағы уақытта 100-ге жеткіземіз», — деді облыс әкімі Құмар Ақсақалов.
Сонымен қатар 50 мың бас шошқа кешені өз жұмысын қайта бастады.
«Жақын арада шошқа кешеніне ұқсас кешен құрылысы басталады. Осылайша мал басын 100 мыңға дейін жеткіземіз. Бұл еліміздегі ірі фермалардың бірі болады», – деді Құмар Ақсақалов.
Сурет: inform.kz
