Бүгін сауда және интеграция министрлігінде кеңес өтті, оның барысында оның басшысы Бақыт Сұлтанов Қазақстан сыртқы шекараларда инфрақұрылымды белсенді дамытпақшы екенін мәлімдеді.
“Президенттің тапсырмасына сәйкес экспорттық және транзиттік әлеуетті күшейтуге баса назар аудара отырып, “Қорғас” шекара маңы ынтымақтастығы орталығының қызметін қайта ретке келтірілетін болады. Сондай-ақ Батыс Қазақстан және Солтүстік Қазақстан облыстарының аумағында Ресеймен шекарада ұқсас сауда хабтарын құру жөніндегі біздің жаңа қосымша бастамаларымызды іске асыру мәселелері пысықталатын болады. Ол үшін қазақстандық тауар өткізу желілерін интеграциялау бойынша жұмыс жүргізіледі”, – деп түсіндірді Сұлтанов.
Өз кезегінде сауда және интеграция вице-министрі Қайрат Төребаев экспортқа бағдарланған кәсіпорындарға көмек көрсету үшін қандай шаралар қабылдау жоспарланғанын хабарлады. Атап айтқанда, биыл он сауда-экономикалық миссия, екі халықаралық көрме өткізілуі тиіс. Ведомствода іс-шаралар қорытындысы бойынша жалпы 100 мың долларға 80-ге жуық экспорттық келісімшартқа қол қойылады деп күтілуде.
Бұдан басқа, сыртқы нарықтарға “Экспортты жеделдету” бағдарламасын іске асыру барысында 130 жаңа отандық экспорттаушыны және тағы 50 шетке шығарушыны Alibaba халықаралық электрондық алаңына шығару жоспарлануда.
“Отандық экспорттаушыларды қосылған құны жоғары тауарлар өндірісіне ынталандыру үшін қосылған құны жоғары және жергілікті қамту үлесі бар тауарлардың шығындарын 80%-ға дейін өтеуді көздейтін түзетулер пакеті қабылданды”,- деп атап өтті вице-министр.
Сурет: riss.ru
