Ресейлік Яндекс компаниясы өзінің негізін салушылардың бірі – Илья Сегаловичтің құрметіне жаңа сый құрды, ол жыл сайын Қазақстан, Ресей және Белоруссия ғылыми қауымдастығының жас зерттеушілері мен өкілдеріне берілетін болады.
Жүлде Илья Сегаловичтің құрметіне текке аталған жоқ, дәл осы бағдарламашы іздеу жүйесінің бірінші нұсқасын жасаушы.
Яндексте IT-технологиялар саласындағы жетістіктері үшін студенттерге, аспиранттарға және ғылыми жетекшілерге марапат берілетінін айтты.
«Яндексте» атап өткендей, компания қызметкерлері ұзақ уақыт бойы осы салаларда зерттеулермен айналысқан.
«Яндекс» сыйлық беретін зерттеулер: сөйлеуді тану және синтездеу, ақпаратты іздеу және деректерді талдау, машиналық оқыту, компьютерлік көру, табиғи тілді өңдеу және машинамен аударма.
«Біздің технологиялардың негізінде күшті математикалық мектеп пен іргелі ғылымсыз мүмкін болмайтын әзірлемелер жатыр. Сыйлық арқылы біз компьютерлік ғылымдармен айналысатын және болашақ технологияларын жасайтын зерттеушілерге қолдау көрсеткіміз келеді», – деді компаниялар тобының бас директоры Аркадий Волож.
Ұйымдастырушылар өтінімді, 2019 жылдың ақпан айының соңына дейін, үміткерлердің өздері жіберу керектігін атап өтті.
Алғашқы марапаттау рәсімі осы жылдың сәуір айында өтеді.
Лауреаттарды Яндекс өкілдері мен белгілі ғалымдардан тұратын кеңес пен байқау комиссиясы таңдайды.
Үздік үміткерлер жүлдеге 2 млн астам теңге алады және жасанды интеллект бойынша халықаралық конференцияға бару және «Яндексте»тағылымдамаға шақыру мүмкіндігіне ие болады.
Зерттеу жобаларының ғылыми жетекшілері 4 млн теңгеден астам сыйақымен марапатталады.
Сулет: nur.kz
