РФ Уфа қаласынан келген «Берлек-Единство» геосаяси зерттеулер орталығының қызметкерлері Казахстан астанасындағы Гумилев атындағы Ұлттық университет студенттеріне 5000 қорғаныш медициналық бетперделер жіберді. Бұл туралы «Қазақстан серігі» жаңалықтар ресурсы хабарлайды.
Акцияны ұйымдастырушылардың айтуынша, Ресей қоғамшылдары Қазақстан халқы мен ел билігі тап болған қиын жағдайға немқұрайлы қала алмады. Сондықтан олар «Көршілес-қайырымдылық» акциясын өткізу туралы ұсыныс жасады.
«Жүз мыңнан астам бетперделер, жиырма мың жұп қолғаптар, тонометрлер, термометрлер мен антисептиктер – міне, осы айда Ресей азаматтық секторының Қазақстан өңірлеріне көрсететін көмектің толық емес тізімі. Ізгілік көмек құны 1,5 млн рубльден немесе 9 млн теңгеден асады», — деді ресейлік қоғамшылдар.
Гуманитарлық жүктің бірінші партиясын Қостанай және Нұр-Сұлтан қалаларына жіберді. Елордалық Гумилев атындағы университ студенттері Уфа қоғамшылдарынан 5000 үш қабатты қорғаныш бетперде алды.
Акцияға Мәскеу, Екатеринбург, Саратов, Астрахань, Новосибирск, сондай-ақ Орынбор мен Қазан қалаларының ҮЕҰ қосылды.
Бұл акцияны Петропавл, Көкшетау, Орал, Атырау және Алматы қалаларына тарату жоспарлануда.
Бұл қоғамдық бастама екі ел арасындағы тату көршілік пен өзара көмек көрсету дәстүрі аясында Қазақстанға коронавирус індетіне қарсы іс-қимыл жөніндегі міндеттерге ықпал етуге өз үлесін қосады деп күтілуде.
Сурет: ru.sputniknews.kz
