Мемлекет басшысы Нұрсұлтан Назарбаевтың өнеркәсіптік аграрлық бірлестіктің басшысы Вагит Алекперовпен кездесуінің қорытындысы бойынша “Лукойл” мұнай компаниясы Қазақстанда 2019-2025 жылдарға арналған геологиялық барлау жоспарын жүзеге асыруға қатысатынын хабарлады.
Кездесуде Қазақстанның Энергетика министрлігі әзірлеген, 2021-2025 жылдарға арналған геологиялық барлау бағдарламасына ресей компаниясының қатысуы және қазіргі заманғы технологияларды пайдалана отырып, жаңа көмірсутекті кен орындарын іздестіруде бірлесіп жұмыстар жүргізуге қатысты мәселелер талқыланды. Сондай-ақ, мұнай-газ саласындағы инвестициялық ынтымақтастықты дамытуға қатысты әңгімелесті.
Әңгіме барысында Назарбаевқа Каспий теңізінің қазақстандық бөлігінде көмірсутегі шикізатын өндіру және барлау жөніндегі “Жеңіс” жобасын бірлесіп іске асыру жоспары туралы ақпарат берілді. Президент “Лукойл” және “ҚазМұнайГаз”компанияларының ынтымақтастығының тиімділігін атап өтті.
“Біз ұзақ уақыт бойы “Лукойлмен” ынтымақтасамыз. Бұл компания Ресейдегі ең ірі және біздің еліміз үшін маңызды ресейлік инвестор. “Лукойл” компаниясы Қазақстан экономикасына 9 миллиард доллар инвестициялады”, – деді Назарбаев.
Сондай-ақ, Президентке Алекперов майлау материалдарын шығаратын зауыт құрылысының кезеңдері туралы мәлімет берді. Кәсіпорынның қуатын жылына 100 мың тоннаға жеткізу жоспарланып отыр. Зауыт өнімнің әр түрлі атауларын қамтитын жоғары сапалы майлау материалдарының желісін жасайтын болады.
Сурет: kaztag.info
