Кентау қаласының әкімі Дәурен Мақажанов ағымдағы жылдың соңына дейін қалада күн электр станциясының құрылысы аяқталатынын мәлімдеді.
Сондай-ақ, ол биылғы жылы бірқатар инвестициялық жобаларды іске қосу жоспарланып отырғанын хабарлады.
«Қотыр бұлақ елді мекенінде жыл соңына дейін күн энергиясын өндіретін электр станциясының құрылысын аяқтау жоспарлануда. Жобаны жүзеге асырумен «Hevel Kazahstan» ЖШС айналысады, жобаның құны — 15,9 миллиард теңге», — деп атап өтті Мақажанов.
Полиэтилен құбырлары мен радиаторлар шығаратын цехтар пайдалануға беріледі, сондай-ақ темір бетон бұйымдарын шығаратын зауыт іске қосылады.
Бұған дейін Түркістан облысының әкімі Өмірзақ Шөкеев Кентау қаласын Түркістанмен қатар дамытуды тапсырды.
Мақажановқа өзекті мәселелерді дер кезінде шешуді, ауыл шаруашылығы мен кәсіпкерлікті дамытуды, сондай-ақ инвестициялық жобаларға басымдық беруді тапсырды.
Сурет: ru.sputniknews.kg
