Ресей Федерациясында benzuber отынына онлайн төлем жасау бойынша бірінші сервисті құрған «СКОН» кәсіпорындар тобына кіретін «Саллес» компаниясының өкілдері Алматы қаласындағы автоматты автожанармай құю станциясына арналған жабдықты құрастыруды аяқтады.
Ресейден келген Компания қарапайым ЖҚС-ны біздің еліміздегі алғашқы, толығымен электрондық станцияға айналдырды, ол қандай да бір персоналсыз, Qazaq Oil брендімен жұмыс істейді.
Бұл станция коронавирустық инфекцияны жұқтыру қаупін азайтуға көмектеседі, өйткені жанармай құю станциясы клиенттерінің кассирмен кезектері мен байланысын жояды. Салалық статистикаға сәйкес, күн сайын кассирі бар бір дәстүрлі жанармай құю станциясы арқылы 400-ден 1000-ға дейін адам өтеді. Қазіргі эпидемиялық жағдайды ескере отырып, бұл инфекция қаупін арттырады.
Төлем барлық белгілі төлем түрлерін: қолма-қол ақша қаражатын, банктік және отын карталарын, сондай-ақ Google Pay, Apple Pay, Samsung Pay қабылдайтын өзіне-өзі қызмет көрсету терминалында жүзеге асырылады. Сонымен қатар, бұл станцияда төлем тікелей бағанда орналасқан benzuber мобильді қосымшасы мен QR-кодтар арқылы жүзеге асырылады.
«Дәстүрлі автожанармай құю станциясын цифрлық жүйеге қайта жабдықтау біздің компанияның Қазақстандағы пилоттық экспорттық жобасы болып табылады. Отын сатуды автоматтандырудың пайдасынан басқа, Ресейде де, Қазақстанда да вирустың таралуына қарсы іс — қимыл шаралары күшейген кезде мұндай станцияларды ашу өте маңызды», — деді Артем Скворцов, benzuber сервисінің негізін қалаушы және «СКОН»кәсіпорындар тобына кіретін кәсіпорындардың бірлескен иесі.
Сурет: news.rufox.ru
