Мәскеулік «Обелиск» іздеу жасағы Ұлы Отан соғысында қаза тапқан қазақстандық сарбаздың туыстарын іздестіруде. Бұл туралы жасақ командирі Михаил Поляков айтты.
Оның айтуынша, ресейлік іздестіру жасағы Смоленск облысының Темкин ауданындағы әскери қабірде табылған Қостанай облысының тумасы Қуанышбай Даутовтың туыстарын іздестіруде.
Поляков атап өткендей, қазақстандық солдаттың жеке тұлғасы табылған мойынтұмары бойынша анықталды Солдат құрамында көптеген қазақстандықтар болған, 120-шы жеке атқыштар бригадасында соғысқан.Ол 1942 жылдың 14 тамызында ұрыста қаза тапты.
Бүгінгі таңда қазақстандық сарбаз Смоленск облысындағы Темкино ауылында «Еске алу алаңы» мемориалдық кешенінде қайта жерленген.
Іздестіру жасағының командирі, іздестірушілер қаза тапқан қазақстандықтың туған-туыстарын бүгінгі күнге дейін таба алмағанын атап өтті. Осыған байланысты ол Қуанышбай Даутовтың туыстарымен таныс Қазақстан Республикасының барлық азаматтарына хабарласып, жасақ өкілдеріне ақпарат беруді сұрайды.
Қаза тапқан қазақстандықтың туыстары табылған соң, Мәскеу отрядының іздестірушілері оларға солдаттың құжаттар жиналған атаулы папканы тапсырады.
Сурет: golos.ua
