Ресей Федерациясының астанасында біздің республикамыздың экспорттық әлеуетіне арналған конференция өтеді. Бұл туралы бауырлас елдегі Қазақстан елшілігінің баспасөз қызметі хабарлайды.
Қазақстан елшілігі іс-шара «Ресей тоқыма және жеңіл өнеркәсіп апталығы 2020» атты ірі халықаралық көрме аясында өтетінін айтты.
Бұл конференцияның басты мақсаты Ресей бизнес-топтары өкілдерін Қазақстан Республикасының жеңіл өнеркәсібінің экспорттық әлеуетімен таныстыру болып табылады.
Осы іс-шара аясында Қазақстан мен Ресейдің бизнес-қауымдастығы өкілдері ынтымақтастық мәселелерін талқылауға мүмкіндік алады.
Сонымен қатар, конференцияда қазақстандық және ресейлік кәсіпорындардың кооперациясын дамытуға қатысты мәселелер көтеріледі деп күтілуде.
Бұл іс-шараның ұйымдастырушысы — біздің еліміздің және Ресей Федерациясының сауда министрліктерінің қолдауымен Қазақстанның бауырлас мемлекеттегі Сауда өкілдігі.
Сурет:Izvestiaur.ru
