Арыстағы оқ-дәрілердің жарылуының салдарын жою үшін қажетті кеңес беруге Қазақстанға Ресей Федерациясы Қорғаныс министрлігінің әскери делегациясы келді. Бұл туралы ҚР Қорғаныс министрлігінің баспасөз қызметі хабарлады.
Ресейлік сарапшылардың келуі қазақстандық әскери қызметшілерге кеңес беріп көмек көрсету жөніндегі уағдаластыққа сәйкес өтті.
Ресей Федерациясының делегациясы инженерлік-саперлік және зымыран-артиллериялық бөлімшелердің тәжірибелі және жоғары білікті мамандарын қамтиды.
Сапар барысында тараптар қаланың жарылыс аудандарын тазарту және жарылғыш құрылғыларды іздестіру кезінде инженерлік бірліктердің әрекеттерін ұйымдастыру мәселелеріне қатысты пікір алмасты.
“Қала таза, әскери қызметкерлер күрделі жағдайларға қарамастан үлкен жұмыс жүргізген. Төрт күн ішінде қаланы тазалау – қазақстандық әскер қызметкерлерінің орасан зор жұмысы”, – деп атап өтті әскери делегация басшысы полковник Алексей Зотов.
Ресей сарапшылары қаладағы жағдайды бағалай отырып, бұрын қазақстандық әскер қызметшілер арсеналда қару-жарақ сақтау қауіпсіздігін қамтамасыз ету бойынша орасан жұмыс атқарғанын, ал Арсеналдың өзі, сарапшылардың пікірінше, барлық қажетті және қазіргі заманғы күзет құралдарымен жабдықталғанын мәлімдеді.
“Қазақстандық әскери қызметкерлердің уақытылы іс-әрекеттері мен олардың кәсібилігінің арқасында қирау ауқымы аз болды”, – деп атап өтті Зотов.
Ресейлік сарапшылар жару әдісімен оқ-дәріні жою қазақстандық инженерлік әскердің барлық есептерінің дұрыс екендігін көрсетті.
Zakon.kz
