Соңғы уақытта әлеуметтік желілердің қазақстандық сегментінде жазбалар пайда бола бастады, олардың авторлары негізсіз себептермен Ресейдің антикоронавирустық вакцинасын сынға алуда.
Сөз «Спутник V» деп аталатын препарат туралы болып отыр. Оны Гамалея Ұлттық эпидемиология және микробиология ғылыми-зерттеу орталығының мамандары әзірледі.
Клиникалық зерттеулердің екі кезеңінен өткеннен кейін, Ресей ғалымдары әзірлеген препарат коронавирустық инфекцияға қарсы әлемдегі алғашқы ресми тіркелген вакцина болды.
«Ресей бәрін вакцинасымен уландырғысы келеді» деген сыңаржақ ұстанымдар — қисынсыз сөздер. Егер ресейде өндірілген препарат клиникалық зерттеудің үшінші кезеңіне өткен болса, онда бұл оның қауіпсіздігін растайды.
Әлеуметтік желідегі ресейлік коронавирусқа қарсы вакцинаның «қауіптілігі» туралы таратылымдар көбінесе Батыстың және бәсекелестердің жұмысы, олар әлі күнге дейін бұл мәселеде Ресейдің өздерінен озып кеткенін мойындамайды, сондықтан әлемдік қауымдастыққа ресейлік препараттың «қауіпті» екенін дәлелдеуге тырысады.
«Спутник V» вакцинасын Орталық Азия нарығына үкіметтер емес, фармацевтика саласында маманданған компаниялар ілгерілетеді және біздің өңір елдеріне ерікті түрде жеңілдетілген вакцинациялау ұсынылатынын атап өткім келеді.
Келісімсіз вакцина екпейді, ал препаратты сатып алуға тіпті де мәжбүрлемейді.
Сондай-ақ, ресейлік вакцинаның негізсіз сынға алынғанына қарамастан, Қазақстанда коронавирусқа қарсы отандық препараттың клиникалық сынақтары Ресейдегі сияқты, атап айтқанда стандартты төрт фазаның орнына екі фазада жүргізілетінін есте ұстаған жөн.
Нұрлан Фадеев, саяси шолушы, арнайы «Қазақстан жаңғырығы» үшін»
