Қазақстанға қолдау көрсету мақсатында ресейлік коммерциялық емес ұйымдар “Көршілік қайырымдылық” акциясын іске қосты, оның аясында біздің елімізге гуманитарлық көмек жеткізілетін болады, деп хабарлайды “Хабар24” ақпараттық агенттігі.
Қазіргі уақытта ұйымдар гуманитарлық жүкті Нұр-Сұлтан, Алматы, Атырау, Петропавл, Орал және Көкшетауға жіберуге дайындалып жатыр.
Коммерциялық емес ұйымдар Қазақстан Республикасына жүз мыңнан астам бетперде, отыз мың қолғап, термометр мен антисептик жібермек.
“Солтүстік-Оңтүстік” саясаттану орталығының директоры Анжелика Трапезникованың айтуынша, кеше Уфа қаласынан Нұр-Сұлтанға жеткізілетін алғашқы гуманитарлық жүк жөнелтілді.
“Біз күш-жігерімізді біріктіре отырып, көршілерімізге көмектесе алатынымызға сенімдіміз, және олар осы қатерді жеңе алады”, – деп толықтырды Анжелика Трапезникова.
Бұған дейін “СК-Фармация ” ЖШС коронавирус инфекциясын емдеуде қолданылатын ресейлік “Фавипаравир ” медициналық препаратты сатып алуды аяқтағаны хабарланған.
Шілде айының соңына дейін “СК-Фармация” қоймаларына осы препараттың 700 мыңға жуық таблеткалары түседі деп жоспарлануда, олар кейін Қазақстан Республикасының ауруханалары арасында таратылады.
Сурет: 24.kz
