Санкт-Петербургте Кеңес Одағының Батыры Әлия Молдағұловаға ескерткіш орнатылады. Бұл туралы Ресей Федерациясындағы Қазақстан Елшілігінің баспасөз қызметіне сілтеме жасай отырып, Tengrinews.kz ақпарат агенттігі хабарлайды.
Ескерткіштің ашылуы 6 мамырда Молдағұлова көшесіндегі 5-үйдің батысындағы қалалық саябақтардың бірінде жоспарланған. Санкт-Петербург қаласының қала құрылысы кеңесі қазақстандық мүсінші Едіге Рахмадиевтің эскизін бекітті.
Әлия Молдағұлова Ұлы Отан соғысы басталарда, 90-шы жылдары Санкт-Петербург атанған, Ленинградта тұрды, сонда оқыды. Ұлы Отан соғысы кезінде ол 2-ші Балтық майданының 22-ші армиясы 54-ші жеке атқыштар бригадасының мергені болды.
Әлия Молдағұлова тек қазақтарға ғана емес, сонымен қатар орыс, украин, белорустар мен басқа да халықтар үшін бір кездері біртұтас мемлекеттің батыры болып табылады. Көптеген ерліктері үшін Молдағұлова «Алтын жұлдыз» медалімен марапатталды және «Кеңес Одағының Батыры»құрметті атағын алды. Біздің отандасымыз жаудың 70-тен астам солдаты мен офицерлерін жойды. Ленинград-Новгород операциясын өткізу кезінде 1944 жылдың қаңтарында қайтыс болды.
Өкінішке орай, 21 ғасырда фашизм тағы да пайда болды. Әлия Молдағұлова сияқты батырлар ұмытылмауы тиіс. Фашизмге қарсы күрескен батырдың ісі қазақстандық өскелең ұрпаққа үлгі болуы тиіс.
Сурет: tvzvazda.kz
