Ресей Федерациясының президенті Владимир Путин коронавирус пандемиясы кезеңінде Ресей аумағында орналасқан шетелдіктер мен азаматтығы жоқ адамдардың құқықтық жағдайын реттеу жөніндегі уақытша шаралар туралы Жарлыққа қол қойды. Бұл туралы Кремльдің ресми сайты хабарлайды.
“Жарлықпен ол 2020 жылдың 15 наурызынан 2020 жылдың 15 маусымына дейінгі кезеңде аяқталатын шетелдік азаматтар үшін уақытша болу, уақытша немесе тұрақты тұру мерзімі көрсетілген 90 күндік кезең аяқталғанға дейін тоқтатылды”,-делінген Жарлыққа түсіндірме жазбада.
Сондай-ақ ағымдағы жылдың 15 наурызынан 15 маусымына дейін Ресейден тыс жерлерде жүрген және мемлекет аумағында уақытша тұруға рұқсаты бар адамдар үшін шетелде болу мерзімі уақытша тоқтатылды.
“Бұл Ресей Федерациясына кіре алмайтын және шетелде алты айдан астам уақыт болатын тұлғаларға берілген аталған құжаттарды жоймауға мүмкіндік береді”, – делінген Жарлыққа түсіндірме жазбада.
Ресей сондай-ақ шетелдіктерге және азаматтығы жоқ адамдарға бұрын шығарып жіберу, депортациялау немесе шетел мемлекетіне беру туралы шешім қабылдаған елден тыс жерлерге шығудың ерікті мерзімін тоқтатты.
Жарлық визалардың, тұруға уақытша рұқсаттардың, тұруға ықтиярхаттың, босқын куәлігінің, отандастардың қоныс аударуы жөніндегі мемлекеттік бағдарламаның куәлігінің және шетелдік жұмыс күшін тартуға және пайдалануға рұқсаттардың, егер құжаттардың қолданылу мерзімі аяқталса, қолданылуын уақытша тоқтатады.
Сурет: avesta.tj
