Ленинградтың Киров қаласында Кеңес Одағының Батыры Сұлтан Баймағамбетов мүсіннің ашылу салтанаты өтті. Бұл туралы Қазақстан Республикасының Ресей Федерациясындағы Елшілігінің баспасөз бөлімінде айтылды.
Кеңес батырының есімімен аталатын жергілікті гимназия ғимаратының жанында орналасқан мүсін 2001 жылы орнатылды. Алайда, өткен кезеңде ол қалпына келтіру жұмыстарын талап етті.
Осылайша, биыл Санкт-Петербургтегі Қазақ ұлттық-мәдени қоғамының және Ленинград облысының “Ата-Мекен” қатысуымен және Қазақстанның Санкт-Петербургтегі Бас Консулдығының қолдауымен мүсін қалпына келтіріліп, іргелес аумақты абаттандыру жұмыстары жүргізілді. Мүсінді қалпына келтіруге Қостанай облысының әкімдігі ақша бөлді.
Қазақстан Республикасының Ресейдегі елшісі Ермек Көшербаев іс-шарада сөз сөйлеп, Сұлтан Баймағамбетовтың жүз жылдығы мен Ұлы Жеңістің 75 жылдығына орай мүсінің ашылуының символдық мәні бар екенін атап өтті.
Ол Ленинград облысының, Киров ауданының билігіне, гимназияның мұғалімдері мен оқушыларына отандасымыздың батырлық жадын сақтауға осындай қамқорлықпен қарағаны үшін алғыс айтты. Елші атап өткендей, бұл екі ел халқын біріктіретін, сондай-ақ достық, серіктестік және өзара түсіністік үшін негіз болып табылатын бірлескен естелік.
Өз тарапынан Ленинград облысының губернаторы болып табылатын Александр Дрозденко Сұлтан Баймағамбетовтың жасаған ерлігі Ленинград үшін шайқас тарихына енгенін мәлімдеді. Шайқас Ұлы Отан соғысы кезіндегі ең ауыр және ең ұзақ кезеңдердің бірі болып табылады және 1941 жылдың маусымынан 1944 жылдың тамызына дейін өтті.
“Мұнда соғысып, қайтыс болған сарбаздар ұлттары бойынша бөлінбеді, олар туған жеріне қарамастан, барлығы ортақ Отанын қорғады”, – деп губернатор атап өтті.
Сурет: lenta.inform.kz
