Ресей Федерациясында Қазақстанда “СарыарқаАвтоПром” ЖШС зауытында шығарылған Chevrolet маркалы автокөліктердің сатылымы басталды, деп хабарлайды tengrinews.kz ақпарат ресурсы.
Қостанай зауытында Chevrolet маркалы машиналарды шығарумен “СарыарқаАвтоПром” ЖШС мен UzAuto Motors АҚ бірлескен жобасы болып табылатын Қазақстан-Өзбекстан автоқұрастыру желісі айналысады.
Біздің республикамызда өндірілген автокөліктердің экспорты “СарыарқаАвтоПром” ЖШС мен UzAuto Motors АҚ бірлескен жобасын дамытудың келесі қадамы болып табылады.Chevrolet маркалы машиналар Ресей нарығына ғана емес, Беларусь нарығына да жеткізілетін болады.
Қазір бұл автомобильдер Орынборда және Еділде сатылады. Жақын арада Қазақстанда өндірілген машиналар Мәскеу, Санкт-Петербург, Краснодар, Ростов-на-Дону автосалондарында және бауырлас елдің басқа қалаларында сатылатын болады.
“СарыарқаАвтоПром” ЖШС зауытында Қазақстан-Өзбекстан автоқұрастыру желісі биылғы жылы іске қосылды. Бірінші кезеңде жылына 26 мыңға жуық автокөлік шығару жоспарланып отыр.
Бұл автоқұрастыру желісі Chevrolet маркалы автокөліктерінің Damas, Labo, Tahoe, Traverse, Trailblazer, Equinox, Malibu, Onix және Spark сияқты үлгілерін құрастырады.
Сурет: m.autostat.ru
