“Обелиск” іздеу жасағы Ұлы Отан соғысында қаза тапқан қазақстандық майдангердің туыстарын іздеуде. Бұл туралы жасақ еріктісі Роза Фаттахова хабарлады.
Ол ресейлік отряд 1924 жылы дүниеге келген солдат Киболла Надралимовтың туыстарын іздестірумен айналысып жатқанын айтты. Ұлы Отан соғысы басталғанға дейін ол Ақтөбе облысында тұрған.
1942 жылдың тамызында оны майданға шақырады. Қызыл әскер атағын алған. 1943 жылы қазақстандық сарбаз №4864 эвакуациялық госпиталінде алған жарақатынан қайтыс болған.
Роза Фаттахова бастапқыда қазақстандық майдангерді Смоленск облысының Угран ауданындағы Крутая ауылындағы бауырластар зиратына жерлегенін атап өтті.
2011 жылы іздеу жасағы қазақстандық майдангердің сүйегін көтерді. Келесі жылы оларды Знаменка елді мекеніндегі еске алу алаңында қайта жерлеп, ескерткіш орнатты.
Фаттахова қаза тапқан сарбаздың туған-туыстары табылғаннан кейін, оларға солдаттың құжаттары жиналған атаулы папканы тапсырады. Сонымен қатар, туған-туыстарына майдангерді көтерген жылы “Еске алу вахтасы” түсірген фотосурет табысталады.
Іздеу отрядының еріктісі қаза тапқан сарбаздың туған-туыстары оның жерленген жеріне келіп, жақын адамын еске алып, тағзым ету үшін жасалғанын айтты.
