Ресейдің Сыртқы істер Министрлігі жанындағы Ақпарат және баспасөз департаменті ертең Мәскеуде Ресей Федерациясы мен Қазақстан Республикасының сыртқы саяси ведомстволарының басшылары Сергей Лавров пен Мұхтар Тілеуберді кездесетінін хабарлады.
Кездесуде бауырлас екі елдің ынтымақтастығы мен Еуразиялық интеграция үдерістеріне қатысты мәселелер қарастырылады.
Қазақстан-Ресей қарым-қатынасы туралы айта келе, департамент бұл тұрғыда ғарыш, әскери, экономикалық және энергетика салаларындағы өзара іс-қимыл перспективалары қарастырылатынын атап өтті.
Сондай-ақ, Сергей Лавров пен Мұхтар Тілеуберді күзде Көкшетауда Президенттер Қасым-Жомарт Тоқаев пен Владимир Путиннің қатысуымен өтетін Қазақстан мен Ресей өңіраралық ынтымақтастық форумына дайындық туралы бір-бірімен ақпарат алмасады.
Департамент министрлердің келіссөздерінде Қазақстан мен Ресейдің Орталық Азия мен Каспий өңіріндегі қауіпсіздікті қамтамасыз етудегі ынтымақтастыққа, сондай-ақ қазіргі заманғы қауіп-қатерлерге қарсы бірлескен іс-қимылдарға ерекше назар аударылатынын атап өтті.
Кездесудің нәтижесі екі мемлекет үкіметтерінің біздің Республикамыздың Астраханьдағы консулдығын Бас консулдық деңгейіне көтеру келісімі бойынша хаттамаға қол қоюы болуы тиіс.
Сурет: kommersant.ru
