“Самұрық-Қазына” ұлттық әл-ауқат қорының басшысы Ахметжан Есімов Ресей тікелей инвестициялар қорының басшысы Кирилл Дмитриевпен онлайн режимінде келіссөз жүргізді.
Онлайн-кездесу барысында қатысушылар коронавирус инфекциясының таралуына қарсы күрестегі ынтымақтастық мәселелеріне баса назар аударды.
Ынтымақтастықты талқылай отырып, тараптар коронавирусты анықтау үшін пайдаланылатын мыңдаған тегін тестілер Қазақстан Республикасына жеткізу туралы келісті.
Алдағы уақытта ұлттық әл-ауқат қоры біздің азаматтарымызда коронавирус инфекциясын анықтау үшін ресейлік тест-жүйелерді сатып алуға ниетті.
Бұған дейін хабарланғандай, “Самұрық-Қазына” мен Ресей тікелей инвестициялар қоры COVID-19 індетінің таралуына қарсы күрестегі ынтымақтастық туралы меморандумға қол қойды, оның шеңберінде елімізге
коронавирусқс қарсы “Авифавир” препараттын үздіксіз жеткізу жолға қойылды.
Қол қойылған меморандумға сәйкес, екі бауырлас мемлекеттің қорлары коронавирус инфекциясынан вакцина сатып алу және өндіру бойынша клиникалық сынақтарда ынтымақтасатын болады.
Сондай-ақ, осы құжаттың арқасында біздің республикамызға COVID-19-ға қарсы ресейлік вакцинаны сатып алуға және тіпті оны өндіруге мүмкіндік пайда болады.
Сурет: 24.kz
