Ресейдің әскери ведомствосы бауырлас мемлекеттің қорғаныс министрі Сергей Шойгу біздің республикамызға келіп, қазақстандық әріптесі Нұрлан Ермекбаевпен келіссөздер жүргізетінін мәлімдеді.
Кездесу барысында Ресей Қорғаныс министрлігінің түсіндіруі бойынша, қорғаныс және қауіпсіздік саласында қазақстан-ресей ынтымақтастығы мәселелерін талқылау жоспарлануда.
Шойгу мен Ермекбаев ұжымдық қауіпсіздікті одан әрі жетілдіру мәселесіне көңіл бөліп, халықаралық терроризммен күресу шараларын анықтауға назар аударады деп күтілуде.
Қазақстан Республикасына сапары аясында Сергей Шойгу еліміздің саяси басшылығымен бірқатар кездесулер өткізеді.
Ресей Қорғаныс министрлігі бұл ведомствоның тікелей басшысы Қазақстанға ресми сапармен 16 қазанда келеді деп нақтылады.
Шойгу мен Ермекбаев соңғы рет 4 қыркүйекте өткен Тәуелсіз Мемлекеттер Достастығы елдерінің қорғаныс ведомстволары басшыларының, ұжымдық қауіпсіздік туралы Шарттың және Шанхай ынтымақтастық ұйымының бірлескен отырысында кездесті.
Сол кезде ТМД, ҰҚШҰ және ШЫҰ министрлері лаңкестік қауіп-қатерлерге қарсы күрес ынтымақтастығына қатысты мәселелерді талқылады.
Сурет: rbc.ru
