Алматыда “Панфиловшылар: біздің мақтанышымыз, біздің даңқымыз” кітабы жарық көрді. Кітап Иван Панфилов атындағы 8-ші гвардиялық атқыштар дивизиясының тарихын баяндайды.Бұл туралы Ресей Федерациясындағы Қазақстан елшілігінің баспасөз қызметі хабарлады.
Осы оқиғаға байланысты өткен видеоконференцияда кітап Ресей Федерациясының, Қырғызстанның, Беларусь пен Өзбекстанның өкілдеріне көрсетілді.
Кітаптың авторы Лайла Ахметова кітаптың көлемі фотосуреттері, карталары мен кестелері бар 764 беттен тұратынын айтты. Оның айтуынша, кітап мұрағаттан табылған тарихи құжаттар негізінде жазылған.
Кітапта 1941 жылдың тамыз айында Алматыдан жеті эшелонмен кеткен Панфилов дивизиясының бірінші құрамына баса назар аударылды.
Бұл кітап туралы Ресейдегі Қазақстан елшілігінің кеңесшісі Дәурен Дияров пікірімен бөлісті. Ол кітап бірден бірнеше мақсаттарға қамтыған деп санайды. Біріншіден, ол Панфилов дивизиясының тарихы туралы әңгімелейді. Екіншіден, осы дивизияға қатысты барлық жалғандарды жоққа шығарады.
Панфилов туралы кітап Тұңғыш Президент Нұрсұлтан Назарбаевтың Қорының қолдауымен мың дана тиражбен шығарылды.
Бейнеконференция қорытындысы бойынша бұл кітаптың тұсаукесері Алматы, Талдықорған, Нұр-Сұлтан, Павлодар, Қарағанды, Бішкек, Мәскеу, Санкт-Петербург, Волоколамск және Зеленоградта өтетіні айтылды. Аталған қалаларда оның даналары әскери мекемелерге, ардагерлер кеңестеріне, мұражайлар мен кітапханаларға берілетін болады.
Сурет: kazembassy.ru
