Үш жыл ішінде алғаш рет Франция астанасында Ресей Федерациясы мен Украина Президенттері Владимир Путин мен Владимир Зеленскийдің қатысуымен Донбасстағы жағдайды реттеу жөніндегі саммит өтті. Бұл туралы “Хабар24” хабарлайды.
Келіссөздер барысында бірқатар келісімдерге қол жеткізілді. Атап айтқанда, тараптар жақын арада атысты жан-жақты тоқтату туралы, сондай-ақ осы жылдың соңына дейін тұтқындармен алмасуды ұйымдастыруға келісті.
Алайда, бұл кездесу айтарлықтай нәтиже берген жоқ, өйткені Донбасс мәртебесі мен шекараны бақылауға байланысты мәселелер ашық қалды.
Айта кету керек, келіссөздер аясында Ресей президенті Украинада Минск келісімі бойынша реформа жүргізу жолымен бітімсіздікке қол жеткізу процесін жеделдету қажеттігіне назар аударды.
Алдымен, Владимир Путиннің айтуынша, Донбасс мәртебесін тұрақты негізде бекіту үшін Конституцияға өзгерістер енгізу, сондай-ақ болашақта осы нормаға тұрақты сипат беру үшін Донбасстың жекелеген өңірлерінің ерекше мәртебесі туралы заңның қолданылуын ұзарту қажет.
Владимир Зеленский, өз кезегінде, Украинаның мемлекеттік шекарасын толық қалпына келтіруді, яғни Донбасс территориясын оған қайтаруды талап етті.
Донбасстың тұрақты мәртебесіне қатысты, бұл мәселеге екі елдің президенттері, өткізілуі Германия астанасында жоспарланып отырған, келесі саммитте оралатыны атап өтілді.
