Жамбыл облысында халықтың материалдық жағдайын арттыру жобасы шеңберінде ауыл шаруашылығына арналған техника сатып алынды. Бұл туралы облыстық әкімдіктің баспасөз қызметі хабарлады.
Осылайша, өңірдің он бір пилоттық ауылдық округтерінде құрылған ауыл шаруашылығы кооперативтеріне 194 бірлік ауыл шаруашылығы техникасы сатып алынды.
Облыс әкімі Асқар Мырзахметовтың айтуынша, бұл жобаны жүзеге асырудың арқасында халықтың табысы артып, өңірдің әлеуметтік-экономикасы дамиды.
Сондай-ақ, әкім ауыл шаруашылығына арналған техниканы сатып алуға бір миллиард теңгеден астам қаржы бөлінгенін атап өтті. Ол сатып алынған ауыл шаруашылығы техникасы Беларусь, Ресей, Украина, Түркия, Польша және біздің республиканың кәсіпорындарында жасалғанын айтты.
Облыс әкімдігі өкілдерінің айтуынша, барлық техника “Тараз” әлеуметтік-кәсіпкерлік корпорациясы арқылы қосымша кепілдіксіз лизингке 5%-ға беріледі.
Сондай-ақ, әкімдікте алдағы уақытта бұл техника өңірдің елді мекендерінен тыс жерлеріндегі учаскелерді игеру үшін пайдаланылатынын атап өтті.
Сурет: inform.kz
