Қазақстан мен Ресей арасындағы ынтымақтастық форумын өткізу кезінде екі елдің жоғары технологияларының үлгілері ұсынылады. Бұл туралы Омбы облысы үкіметінің баспасөз қызметі хабарлады.
“Омбыда Ресей мен Қазақстан аймақаралық ынтымақтастығының XVI форумының іскерлік бағдарламасы”Жоғары технологиялар” көрмесімен ашылады. Ресейлік және қазақстандық шекара маңындағы өңірлердің технологиялық мүмкіндіктерін екі мемлекеттің жетекші кәсіпорындары ұсынатын болады. Көрме Ресей мен Қазақстанның экспорттық әлеуетіне арналған. Оның негізгі мақсаты екі елдің кәсіпорындары мен шекаралас аумақтардың инвестициялық әлеуетін таныстыру болмақ”,-деп хабарлады баспасөз қызметі.
Көрмеге Өскемен титан-магний комбинаты, Қазақстандық автобизнес қауымдастығы және “Астана”халықаралық қаржы орталығы қатысады. Ресей тарапынан жоғары технологиялар Челябі, Саратов және Орынбор облыстары, Алтай өлкесі, сондай-ақ ірі жеке және мемлекеттік концерндер мен корпорациялар ұсынатын болады.
“Форумның тақырыбы шекаралық ынтымақтастықты дамытудың өзекті мәселелері болады. Форум екіжақты қарым-қатынастарды нығайту, іскерлік байланыстарды әртараптандыру және Ресей мен Қазақстанның билік пен бизнес өкілдерінің қарым-қатынасын нығайту алаңы болып табылады. Ұйымдастырушылар Ресей экономикалық даму министрлігі мен Қазақстан Ұлттық экономика министрлігі “Росконгрес” Қорының қолдауымен”, – деп атап өтті баспасөз қызметі.
