Мәскеуде ҚР премьер-Министрінің орынбасары Роман Склярдың Ресей Федерациясы Үкіметі төрағасының орынбасары Юрий Борисовпен келіссөзі өтті, деп zakon.kz хабарлайды.Министрлер кабинеті басшысының сайтына сілтеме жасай отырып.
Қазақстан премьер-министрі Асқар Маминнің 22 наурызда өткен Ресей үкіметінің төрағасы Михаил Мишустинмен кездесуінің қорытындылары бойынша уағдаластықтарды дамыту барысында вице-премьерлер Қазақстан-Ресей өнеркәсіптік кооперациясы саласындағы бірлескен іс-қимыл бағдарламасы шеңберіндегі екіжақты ынтымақтастықтың өзекті мәселелерін қарады.
Тараптар бұрын келісілген бірлескен жобаларды іске асыруды жеделдету жөніндегі ағымдағы жағдай мен одан арғы қадамдарды талқылады. Сондай-ақ, Қазақстандағы өнеркәсіптік кооперацияның жаңа перспективалық жобаларын зерделеу арқылы инвестициялық ынтымақтастықты кеңейту мәселелері талқыланды.
Бұдан арғы бірлескен жұмыстың перспективалары туралы айта отырып, өзара тиімді экономикалық ынтымақтастық қағидаттарына, өнеркәсіптік, сауда-экономикалық, инвестициялық салаларда неғұрлым тығыз өзара іс-қимыл жасау үшін қосымша мүмкіндіктер жасау бойынша бірлескен шараларды іске асыруға өзара бейілділік білдірілді.
Кездесуге қатысушылар Қазақстан мен Ресей арасындағы үкіметаралық диалогтың тиімділігі мен қажеттілігін атап өтіп, өзара байланыстардың жоғары қарқынын сақтауға келісті.
