Астраханьда ертең «Каспийдегі туристік жобаларды жүзеге асыру саласындағы аймақтық ынтымақтастықтың мүмкіндіктері»атты халықаралық сараптамалық кездесу өтеді. Диалогты ұйымдастырушы-«Каспий-Еуразия»халықаралық және қоғамдық-саяси зерттеулер орталығы. Бұл туралы tumba.kz жаңалықтар ресурсы хабарлайды.
Бұл кездесуде қазақстандық тарапты бейнебайланыс форматында Маңғыстау облысының Инвестициялар және туризмді дамыту басқармасының басшысы Венера Мұстапаева, Мәжіліс депутаты Еділ Жаңбыршин, журналистер және т. б. ұсынады.
Іс-шараға Ресей Федерациясы мен Қазақстан Республикасының сараптамалық қоғамдастықтарының, билік органдарының, турбизнестің, бұқаралық ақпарат құралдарының және азаматтық сектордың өкілдері қатысады. Қатысушылар екі елдің туризм саласындағы ынтымақтастық әлеуетін қарастырады, сондай-ақ оны тереңдету перспективаларын талқылайды.
Бұдан басқа, кездесудің күн тәртібіне жалпы тарихи–мәдени және туристік бағдарламалар мен бағыттарды әзірлеу, өңірлік билік органдары, сондай-ақ іскерлік және логистикалық құрылымдар үшін ұсынымдар әзірлеу туралы мәселелер енгізілді.
Ұйымдастырушылар атап өткендей, тараптар «жағажай» немесе «мәдени» туризмді ғана емес, сонымен қатар соңғы бірнеше жылда Ресей-Қазақстан қатынастарында өзекті болып келе жатқан «медициналық туризмді» талқылайды.
Сурет: yandex.ua
