Ресей Федерациясы Мемлекеттік Думасының төрағасы Вячеслав Володин қыркүйекте Еуразия елдері Парламенттері спикерлерінің төртінші кеңесіне қатысу үшін Нұр-сұлтанға барады. Бұл туралы Ресей Федералдық жиналысы төменгі палатасының баспасөз қызметі хабарлады.
Ведомствода ағымдағы жылдың 23-24 қыркүйегі аралығында Мемлекеттік Думаның делегациясы Еуразия құрлығында интеграциялық үдерістерді ілгерілетуге қатысты мәселелерді талқылау үшін Қазақстан астанасына баратынын атап өтті. Атап айтқанда, Еуразия елдері Парламенттері спикерлерінің кеңесі кезінде экономика саласындағы көпжақты жобаларды іске асыру, мемлекеттерде сандық экономика мен сандық егемендікті ілгерілету, табиғат пен қоршаған ортаны қорғау саласындағы мәселелер, сондай-ақ терроризм мен экстремизмге қарсы бірлескен күрес жоспарлары талқыланады.
Сондай-ақ Володин Өзбекстанға барып, жергілікті билікпен екіжақты келіссөздер жүргізу ниетін айтты.
