Түркістан облысының басшысы Өмірзақ Шөкеевтің есеп беру кездесуі өтті, оның аясында ол бүгінгі күні өңір Қазақстанда шағын және орта бизнестің жұмыс істейтін субъектілерінің саны бойынша екінші орында тұрғанын мәлімдеді. Бұл туралы облыстық атқарушы билік органының баспасөз қызметі хабарлады.
Есеп беру кездесуінде сөз сөйлеген облыс әкімі қазіргі уақытта өңірде 142 мың шағын және орта бизнес субъектісі өз қызметін жүргізіп жатқанын, олар облыс экономикасының басты драйвері болып табылатынын атап өтті.
Сондай-ақ Өмірзақ Шөкеев өңірдегі кәсіпкерлікті қаржыландыру көлемі туралы айтты. 2019 жылы бұл көрсеткіш 74,6 миллиард теңгені құрады. Бұл 2018 жылмен салыстырғанда 16,5 миллиард теңгеге артық.
Осындай қаражат көлеміне байланысты 5 мыңнан астам шағын және орта кәсіпкерлік жоба және 42 мыңға жуық ауыл шаруашылығы тауарын өндірушілер қаржыландырылды.
Есеп беру кездесуінде Шөкеев өңірде Қазақстандағы, құны 450 миллиард теңге болатын, ең ірі жылыжай кешені құрылысының жобасына ерекше назар аударды. Оны іске асыру басталғанын және онымен ресейлік «Эко-Культура» компаниясы айналысып жатқанын атап өтті.
Сурет: tengrinews.kz
