Ресей ІІМ Ресейде заңсыз жүрген шетелдіктерге уақытша болу мерзімін ұзартады, деп zakon.kz ТАСС-қа сілтеме жасай отырып хабарлайды.
Бұл туралы Ресей ІІМ-нің басшысы Владимир Колокольцев шетелдік азаматтарға айтқан сөзінде айтты.
Президенттің «Ресей Федерациясындағы шетелдік азаматтар мен азаматтығы жоқ адамдардың жаңа коронавирустық инфекцияның (COVID-19) одан әрі таралу қаупіне байланысты құқықтық жағдайын реттеу жөніндегі Уақытша шаралар туралы» Жарлығына сәйкес Ресей Федерациясының аумағында көші-қон заңнамасында белгіленген болу тәртібін бұза отырып жүрген адамдарға құқықтық жағдайды осы жағдайда қарастырылған санкцияларды қолданбай реттеуге мүмкіндік берілді. Осыған байланысты Ресей Федерациясының аумағында болуға заңды негізі жоқ адамдарға орналасқан жері бойынша Ресей ІІМ аумақтық органдарына хабарласу ұсынылады», — деді ІІМ басшысы.
Сондай-ақ, ол мұндай азаматтар мен олардың отбасы мүшелеріне қатысты уақытша болу мерзімін ұзарту, болатын жері бойынша есепке қою туралы шешім қабылданатынын және тиісті рұқсат беру құжаттары ресімделетінін атап өтті.
Ресей Федерациясының Ішкі істер министрлігі әлемде жаңа коронавирустық инфекцияның таралуына байланысты шетелдік азаматтардың құқықтары мен бостандықтарын, олардың Ресейде болу қауіпсіздігін қорғау үшін барлық қажетті шараларды қабылдауда. Ресей экономикасының жекелеген салаларында еңбек ресурстарының тапшылығын ескере отырып, Ресейде тұратын шетелдік азаматтарды Құрылыс, тұрғын үй-коммуналдық және ауыл шаруашылығындағы еңбек қызметін жүзеге асыруға заңды түрде тарту мүмкіндігі қамтамасыз етіледі.
