Әлеуметтік желілерде біздің республикамыздың тумасы блогер Айвар Азаматовтың Саратовтан Алматыға көшіп келуі туралы бейнежазбасы пайда болды.
Блогер еліміздің оңтүстік астанасына өткен жылдың қыркүйек айының соңында жұбайымен бірге көшіп келді. Біраз уақыттан кейін Азаматов Алматыдағы өмірдің артықшылықтары мен кемшіліктері туралы бейнеролик жазуға шешім қабылдады.
Блогердің айтуынша, ең бірінші тұрғындардың азық-түлік пен тұрғын үйге қайдан ақша алатыны таң қалдырды, өйткені жалақы өте төмен, ал азық-түлік бағасы негізсіз жоғары.
Осыған орай, Азаматов Алматы қаласында адамға шаққандағы орташа табыстыңмөлшерін анықтау мақсатында мегаполис тұрғындары арасында шағын сауалнама жүргізді. Алайда, сауалнаманың нәтижесі әртүрлі сан көрсетті. Біреулері 40-50 мың десе, енді біреулері 100-120 мың теңгені атады.
Сонымен қатар, бейнеролигінде ол Алматыдағы мемлекеттік органдармен жағымсыз жағдайы, қоғамдық көліктердегі адамдардың әдепсіз мінез-құлықтары туралы баяндады.
Алайда, блогер кемшіліктері болғанымен, артықшылықтары көп екенін атап өтті. Жалпы, Азаматов оңтүстік астананың өміріне риза. Сондай-ақ, ол қазақ тілді және орыс тілді адамдардың көптігін ерекше атап өтті.
