Ресей Федерациясының Денсаулық сақтау вице-министрі Олег Гриднев Нұр-Сұлтанда жұмыс істеп жатқан ресейлік дәрігерлер жайында ақпаратпен бөлісті, деп хабарлайды zakon.kz ақпарат ресурсы.
Оның айтуынша, егер Қазақстан астанасына Ресейден келген медицина қызметкерлері бірінші күні стационарлармен танысса, қазір олар төрт топқа бөлініп, қаланың медициналық мекемелерінде жұмысқа кірісті.
Олег Гриднев атап өткендей, кейбір ресейлік делегация өкілдері астана стационарларында аса ауыр науқастарға кеңес беруде.
Сондай-ақ, ол бастапқыда біздің республикамыздың
Денсаулық сақтау министрлігінің басшысы Алексей Цой Ресей дәрігерлері өңірлерде де жұмыс істегенін қалағанын айтты. Алайда, кейінірек дәрігерлер коронавируспен күресуге Нұр-Сұлтанда қалады деп шешілді.
Олег Гриднев біздің дәрігерлеріміз жақсы біліктілік деңгейінде екенін, алайда олар ауырғандарға жетіспейтінін атап өтті.
Соңғы мәліметтерге сәйкес, Қазақстан астанасында коронавирустық инфекцияны жұқтырудың 6357 жағдайы ресми түрде тіркелді, ал елімізде олардың жалпы саны 54747-ге жетті. Дегенмен, 31815 адам вирустан емделді.
Сурет: zakon.kz