Ресейлік дәрігерлермен бірге Нұр-Сұлтанға келген Ресей Федерациясы Денсаулық сақтау министрлігі басшысының орынбасары Олег Гриднев елімізде індетті қалай жеңу керектігі жөнінде өз пікірін білдірді.
Денсаулық сақтау вице-министрі атап өткендей, республикамызда енгізілген екі апталық карантин режимі еліміздің медициналық мекемелеріне аурырғандардың ағымын төмендетуге мүмкіндік беретін ақылға қонымды шара болып табылады.
“Жағдайды өзгертуге не көмектесе алады – әрине карантиндік іс-шаралар. Өйткені әлеуметтік қашықтық пен шектеулерсіз вирустың таралуын тоқтату өте қиын”, – деп атап өтті министрдің орынбасары.
Сонымен қатар, ол әлеуметтік қашықтық пен карантиндік шаралар Қазақстан Республикасына коронавирустық инфекцияны жеңуге мүмкіндік беретінін атап өтті.
Сондай-ақ, Олег Гриднев билік вирусты жұқтырғандар саны туралы ақпаратты жасырады деген қауесетке түсініктеме берді. Ол қазіргі заманғы ақпарат жағдайында мұны істеу мүмкін емес екенін айтты, себебі тестілердің негізгі үлесін жеке зертханалар жасайды, осыған байланысты Денсаулық сақтау министрлігі нақты санды жасыра алмайды.
Соңғы мәліметтерге сәйкес, біздің елімізде коронавирусты жұқтырудың 49683 жағдайы ресми түрде расталды. Вирустан емделгендер саны 16298 адам .
