Атырау облысының басшысы Махамбет Досмұхамбетов өңірге коронавирус инфекциясына қарсы тұруға көмектесу үшін Ресей Федерациясынан дәрігерлер келгенін хабарлады. Бұл туралы оның баспасөз қызметі жазады.
Ресейлік мамандармен кездесу барысында облыс әкімі өңірдегі эпидемиологиялық жағдай туралы айтып, оларға жұмыста табыс тіледі.
Аймақ басшысы коронавирустан басқа пневмония ауруының деңгейі өсіп келе жатқанын, осыған байланысты жақын арада облыстық ауруханада 400 орынға арналған инфекциялық стационар ашылғанын атап өтті.
Сондай-ақ, Махамбет Досмұхамбетов жақын арада өңірге Ресей Федерациясының Астрахан облысынан дәрігерлер келетінін хабарлады.
Сонымен қатар, облыс әкімі коронавирус індетіне қарсы күрес шараларына қатысатын барлық дәрігерлерге жан-жақты қолдау көрсілететінін ерекше атап өтті.
Бүгінгі күні Атырау облысында коронавирустық инфекцияны жұқтырудың 7928 жағдайы тіркелді, ал республикамызда олардың жалпы саны 59899-ға жетті.
