Қазақстанға эпидемиямен күресу үшін келген ресейлік пульмонолог Евгений Попов біздің республикамызда коронавирустық инфекцияның кенеттен өршуіне түсініктеме берді.
Ресейлік маманның пікірінше, Қазақстанда індеттің екінші толқыны емес, біріншісі жалғасуда. Оның пікірінше, бұған себеп — азаматтар карантинді босаңсытқаннан кейін, қорғану әдістеріне немқұрайлы қараған.
Сонымен қатар, Евгений Попов Қазақстан Республикасындағы коронавирустық инфекцияның жағдайын итальяндық сценарий деп атауға болмайтынын атап өтті.
«Италияда эпидемия басталған кезде, біз ол туралы ештеңе білмеген едік. Ғылыми ортада, дәрігерлер мен саясаткерлер арасында ақпарат өте аз болды. Қазақстан індетке дайын болды. Материалдық-техникалық база құрылды. Дәрігерлер белгілі бір тәжірибе алды, «итальяндық сценарий» туралы айтуға құқымыз жоқ», — деп атап өтті ресейлік пульмонолог.
Евгений Попов шілденің басынан бері біздің елде. Онымен бірге Қазақстанға COVID-19-бен күресуге 30-ға жуық маман келді, олар қазіргі уақытта Нұр-Сұлтанның медициналық мекемелерінде жұмыс істеп жатыр.
Елордада коронавирус ауруының 7635 жағдайы тіркелді. Қазақстанда олардың жалпы саны 66895-ке жетті.
