Омбыда Ресейде тұратын қазақ диаспорасы өкілдерінің кіші құрылтайы жиналды. Іс-шараны ұйымдастырушылар мен шабыттандырушылар – “Отандастар” қорының және Дүниежүзі қазақтары қауымдастығының өкілдері .
“Хабар 24” телеарнасы хабарлағандай, Құрылтайда Ресей Федерациясының түрлі облыстарында тұрып жатқан бір миллионнан астам қазақтардың ұлттық мәдени және тілдік мұрасын сақтау бағдарламаларын әзірлеу мәселелері талқыланды.
Сондай-ақ құрылтайда қазақтарды және олардың Ресейдегі мәдени орталықтарын қолдау бойынша жоспарланған жобаларды жүзеге асыру бағыттары талқыланды. Қазақ өкілдері көп тұратын бірқатар аймақтарда кириллицада қазақ тілін оқытатын мектептер де жұмыс істейді.
“Біз Қазақстан мен Ресей арасындағы қарым-қатынастарды дамытуға ықпал ететін ортақ іс-шараларды өткізу туралы көптеген мәселелерді бірлесіп шешеміз деп ойлаймын. Біздің жастардың патриоттық сезімдерін дамытуға ықпал етеді. Біз үшін балаларымыз өз Отанының тарихын, туған жерінің тарихын білгені өте маңызды. Біздің балалар тек Ресей мен Қазақстанның ғана емес, сонымен қатар бүкіл әлемнің қарым — қатынастарының дамуын жалғастыратын байланыс болып табылады”, – деп мәлімдеді Новосібір қазақ мәдениеті орталығының төрағасы Орынқұл Настаушева.
Іс-шараның мақсаты ұлт аралық байланыстарды нығайту және көптеген ғасырлар бойы бірге өмір сүріп, еңбек етіп келе жатқан орыс және қазақ халықтары арасындағы достықты нығайту болды. Мұндай іс-шара Еуразиялық экономикалық одақ аясындағы интеграциялық үдерістерді одан әрі дамытуда үлкен маңызы бар.
Сурет: 365info.kz
