Ресей Федерациясы министрлер кабинетінің басшысы Михаил Мишустин біздің республикаға гуманитарлық көмек көрсету үшін ақшалай қаражат бөлу туралы Қаулыға қол қойды, деп хабарлайды zakon.kz ақпарат агенттігі.
Қаулыға сәйкес, Қазақстанға ізгілік көмек көрсетуге Ресей Үкіметінің резервінен 150 миллион рубль — 800 миллион теңгеден астам қаржы бөлінді.
Ақша қаражаты Ресей Төтенше жағдайлар министрлігінің қарамағына берілді, ол дәрі-дәрмектерді, жеке қорғану құралдарын және медициналық өнімдер сатып алып, кейін оларды Қазақстанға жеткізеді. Оған Ресей Федерациясының Сыртқы саясат ведомствосы көмектеседі.
Бұған дейін біздің елімізге бауырлас мемлекеттің Денсаулық сақтау вице-министрі Олег Гридневтің басшылығымен Ресейдің 32 жетекші дәрігерлер делегация келді. Олар коронавирус инфекциясымен күресуге көмектеседі және біздің дәрігерлермен тәжірибе бөліседі.
Бүгінгі күні Қазақстанда вирус жұқтырғандарының саны 49683 болды, олардың ең көп саны Алматыда, атап айтқанда 6358 жағдай анықталды.
Сурет: ritneurasia.org
