Қазақстан делегациясы «Радионавигация» мемлекетаралық кеңесінің кезекті отырысына қатысты, онда Тәуелсіз Мемлекеттер Достастығына қатысушы елдердің радионавигациясын дамытуға қатысты мәселелер қаралды. Бұл туралы ТМД Атқарушы комитетінің баспасөз қызметі хабарлады.
Достастық Атқару комитетінің ақпараты бойынша, отырыста Кеңестің өткен кездесуінде айтылған шешімдерді жүзеге асыру мәселелері талқыланды.Отырысқа Қазақстан делегациясынан басқа, Беларусь, Ресей және Тәжікстан өкілдері қатысты.
Кездесу барысында қатысушылар 2019-2024 жылдарға арналған ТМД елдерінің радионавигациясын дамыту жоспарын бекітуге байланысты мәселелерге ерекше назар аударды.
Отырыс шеңберінде тараптар осы жылдың 27 қарашасында Ресей астанасында өткен «Радионавигациялық қамтамасыз етуді дамытудың үрдістері мен үйлесімі» тақырыбындағы 14-ші халықаралық ғылыми-техникалық конференцияның нәтижелерімен танысты.
Кездесуге қатысушылар жаһандық навигациялық спутниктік жүйелерді қолдана отырып, координатты қамтамасыз ету туралы хабардар етілді.
Отырыс соңында тараптар «Радионавигация» мемлекетаралық кеңесінің келесі кездесуі алдағы жылдың маусым айында Беларусь астанасында өтеді деген ортақ пікірге келді.
Сурет: e-cis.info
