Сот “RBK Bank” АҚ бұрынғы басқарушы директоры Асылбек Игильманды тұтқындауға санкция берді, деп хабарлайды NUR.KZ “RBK Bank” АҚ Қазақстан Бас прокуратурасының баспасөз қызметіне сілтеме жасай отырып.
Қадағалау органының хабарламасында айтылғандай, Асылбек Игильман Жомарт Ертаевпен (сол кезде аталған банктің директорлар Кеңесі Төрағасының кеңесшісі қызметін атқарған) сөз байласып, 850 млн. теңгеге заңсыз несие рәсімдеген деп күдіктеніп отыр. Осылайша банк ақшасын иемденген.
Прокуратура мәліметтеріне сәйкес, кепілде 15 мың теңгеге депозиттік шот болған соң, Игильман 2013 жылы бұл ақшаны ала алды.
Ұрланған ақшаны топ-менеджмент пен банк қызметкерлері арасында бонус түрінде бөлген.
Игильман да үлес алып, осы қаражатқа Алматы қаласының беделді ауданында 288 млн. теңгеге бағаланған үй салды. Қазір аталған жылжымайтын мүлікке тиым салынды, деп хабарлады баспасөз қызметі.
Бұған дейін Бас прокуратурамен банктің 4 топ-менеджері – Данияр Түгелбай, Данияр Едигенев, Руслан Батурбаев және Бахыт Ибрагим тұтқындалғаны белгілі болды. Олардың барлығы кінәсін мойындады және шығынды өтеуге дайын.
