Республика бойынша жергілікті атқарушы органдар сайлаушылармен кездесу үшін 2849 үй-жай бөлініп, үгіт баспа материалдарын орналастыру үшін 6429 орын белгіленді.
7 маусымда Қазақстан Республикасы Орталық сайлау комиссиясының отырысы болып өтті, оған саяси партиялардың өкілдері, ЕҚЫҰ/ДИАҚБ және ТМД миссияларының қызметкерлері қатысты, деп хабарлайды Zakon.kz.
Отырыста екі мәселе қаралды: ҚР Президенттігіне кандидаттардың сайлауалды үгіт жүргізу қорытындысы туралы. Сайлау учаскелерінің дауыс беру күніне дайындығы туралы.
Сайлау алдындағы үгіт қорытындысы бойынша Қазақстан Республикасының Ақпарат және қоғамдық даму вице-министрі Нұргүл Мауберлинова «Бұқаралық ақпарат құралдарында кандидаттарды қолдау үшін баспа алаңының, эфир уақытының бірдей көлемінде сайлау алдындағы үгіт шаралары туралы ақпаратты тарату қорытындылары туралы» баяндамасымен сөз сөйледі.Екінші «Сайлау алдындағы науқан кезінде заңдылықты қамтамасыз ету бойынша прокуратура органдары қабылданған шаралар туралы» Қазақстан Республикасы Бас прокурорының орынбасары Болат Дембаев баяндама жасады.
Іс-шаралардың күнтізбелік жоспарына сәйкес сайлау алдындағы үгіт тіркеу кезеңі аяқталғаннан кейін, яғни 11 мамырда сағат 18.00-ден кейін басталып, 2019 жылғы 8 маусымда сағат 00-ге дейін жалғасады.
Сайлау алдындағы үгітті жүзеге асыру үшін әрбір Президенттікке үміткерге мемлекеттік бюджеттен 7 331 200 теңге мөлшерінде қаражат бөлінді. Республика бойынша жергілікті атқарушы органдары сайлаушылармен кездесу үшін 2849 үй-жай бөліп, үгіт баспа материалдарын орналастыру үшін 6429 орын белгіледі.
Сондай-ақ бейнеконференция режимінде аймақтық сайлау комиссияларының өкілдері дауыс беру күніне сайлау учаскелерінің дайындығы туралы баяндады (бюллетеньдерді жеткізуге, учаскелерде ақпараттық және әдістемелік материалдардың болуына қатысты).
