Бүгін Асқар Мамин Қазақстан Премьер-Министрі Кеңсесінің ұжымына жаңа басшы – Дархан Қалетаевты таныстырды.
Бұл туралы primeminister.kz хабарлайды.
Қалетаев-Шығыс Қазақстан облысының тумасы. Шығыс Қазақстан мемлекеттік университетінде және Ұлттық Жоғары мемлекеттік басқару мектебінде оқыды.
Оның еңбек жолы 1995 жылы басталды. Қазақстан Президенті Әкімшілігінің, Білім және мәдениет, Ақпарат және қоғамдық келісім министрліктерінің құрылымында жұмыс істеді.
2000 жылдың басында Президент Әкімшілігі Басшысының орынбасары қызметін атқарды.
2008-2009 жылдары “Нұр Отан”ХДП төрағасының бірінші орынбасары болды. Ал 2009 жылдан 2016 жылға дейін “Самұрық – Қазына” ҰӘҚ басқарушы директоры қызметін атқарды.
2016 жылдың күзінде Президент Жарлығы бойынша Қалетаев Парламент Сенатының депутаты болады. Ал 2017 күзі-Парламент Сенатының Халықаралық қатынастар, қорғаныс және қауіпсіздік комитетінің мүшесі.
Өткен жылдың көктемінен бастап ол қоғамдық даму министрі қызметін атқарды.
Сурет: sputniknews.kz
