Қазақстанның ішкі істер министрі Қалмұханбет Қасымов, адамдар көп баратын объектілерде, өрт қауіпсіздігін сақтауды мемлекеттік бақылауды әлсірететін себептер туралы айтты, деп хабарлайды NUR.KZ тілшісі.
“2011 жылдан бастап өртке қарсы қызмет құжаттаманы келісу кезеңінде объектілердің құрылысына бақылауды жүзеге асыруға мүмкіндік беретін өкілеттілігінен айырылған. Ал 2016 жылдан бастап өртке қарсы қызмет салынған нысандарды қабылдауды жүзеге асыратын мемлекеттік органдар құрамынан шығарылды”, – деп атап өтті министр Мәжілісте елдегі өрт қауіпсіздігі тақырыбында өткен Үкімет сағатында.
Қасымов атап өткендей, кейіннен тапсырылған объектілерді тексеру барысында өрт қауіпсіздігі ережелерін өрескел бұзушылықтар анықталуда.
“Тәжірибе көрсеткендей, құрылыс қадағалау бұл мәселелерді бақылауға қабілетті емес. Мысалы, Астанада Алаш, Армада СҮ жобада қарастырылған өрт сөндірудің сорғы станциялары болған жоқ. Ал Алматының мұз сарайында өрт шығуы болмады”, – деді Қасымов.
ІІМ басшысы қазір 64 нысан 2016 жылдан бастап пайдаланылып келе жатқан бұзушылықтармен пайдаланылатынын айтты. ҚР ІІМ ТЖ комитетінде бұл нысандарды тек бақылауға алып, уәкілетті мемлекеттік органдарды хабардар ете алады.
Тағы бір мәселе ретінде Қасымов өрт сөндірушілерді қайта құрылуға жататын кәсіпкерлік субъектілерін тексеру құқығынан айыруды, объектілердің атауын немесе орналасқан жерін Өзгертуді атады.
“Осыны пайдалана отырып, жосықсыз кәсіпкерлер өрт қауіпсіздігі жағдайын тексеруден жалтаруда. Жаңа заңды тұлғаның құрылмайынша жалған қайта құрылуына, меншік иесі ауыспауына және субъектілердің қызметіне байланысты 2017 жылы 1100 нысан тексерілмеген, ал биыл 800 – ден астам нысан тексерілмеген”, – деді министр.
Қалмұханбет Қасымов заңнамалық рұқсат беруді талап ететін барлық мәселелер бойынша, министрлік оларды Үкімет пен Парламенттің қарауы үшін ұсыныстар әзірлейтінін хабарлады.
