Біздің республикамыздың құқық қорғау ведомствосының басшысы Ерлан Тұрғымбаев азаматтарға үндеу жолдап, ішкі істер органының осы жылдың алты айындағы жұмысының нәтижелері туралы айтты, деп хабарлайды zakon.kz жаңалықтар ресурсы.
Тұрғынбаевтың айтуынша, қазіргі уақытта ішкі істер органдарының қызметкерлері белгіленген карантиндік шаралардың сақталуын қадағалаумен бірге, азаматтардың қауіпсіздігін қамтамасыз етіп, қылмыспен күресуде.
Құқық қорғау органдарының бірінші жартыжылдықтағы жұмысының нәтижелері туралы айта келе, ІІМ басшысы Қазақстан Республикасында құқықтық тәртіпті қорғау бойынша күшейтілген шаралардың арқасында көшелер мен қоғамдық орындарда жасалатын қылмыстардың саны 40%:ға азайғанын атап өтті.
Сонымен қатар, Ерлан Тұрғымбаев елімізде қарақшылық, тонау, ұрлық және бұзақылық саны екі есеге қысқарғанын атап өтті. Сондай-ақ, кәмелетке толмағандарға қатысты құқық бұзушылық саны 13%-ға азайды.
Алайда, Ішкі істер министрінің айтуынша, ағымдағы жылдың алты айының қорытындысы бойынша Қазақстанда отбасылық-тұрмыстық саладағы құқық бұзушылықтар саны 21%-ға артты.
Осыған байланысты құқық қорғау органдары отбасылық-тұрмыстық саладағы құқық бұзушылық санын азайтуға бағытталған профилактикалық сипаттағы тиісті шаралар қабылдайтын болады.
