“СҚ-Фармация” басшысы Берік Шарип жеке және мемлекеттік клиникаларда вакциналар арасында айырмашылықтар бар-жоғын түсіндірді. Бұл туралы tengrinews.kz ақпарат агенттігі хабарлады.
Денсаулық сақтау министрлігінде өткен брифинг барысында Берік Шарип мемлекеттік және жеке меншік клиникаларда вакциналар сапасы жағынан бірдей екенін мәлімдеді.
Оның айтуынша, егер вакцина белгіленген сапа талаптарына сәйкес келмесе, оны республикамызға әкелуге рұқсат бермес еді.
“Бірінші кезеңде вакцинаның сапасы мен қауіпсіздігін тексеретін дәрілік заттарды сараптау ұлттық орталығы бар. Олар барлық құжаттамаларды, қолданылған клиникалық сынақтарды тексереді. Екінші жағынан, олар вакцинаны өз зертханаларында құрамында қандай консерванттар қолданылғанын және тағы басқаларын тексереді”, – деді Берік Шәріп.
Ол вакциналардың кезекті партиясы Қазақстанға келгенде, соның ішінде тікелей келісім-шарт бойынша келген кезде де, ол қауіпсіздігін тексерудің қажетті процедураларынан өтіп жатқанын ерекше атап өтті. Егер мамандар қандай да бір қауіп-қатерлерді анықтаса, ол біздің елде тіркелмейді.
Бұрынырық Қазақстан парламенті төменгі палатасының депутаттары Қазақстан Республикасында міндетті және ерікті вакцинацияны енгізуді көздейтін Халық денсаулығы мен денсаулық сақтау жүйесі туралы жаңа Кодекс жобасын мақұлдады.
Сурет: espreso.tv
