Қазақстанның Білім және ғылым министрі Асхат Аймағамбетов жас ғалымдар кеңесінің бірінші отырысы Білім және ғылым министрлігінің жанынан өтетінін мәлімдеді. Бұл туралы ол Нұр-Сұлтанда өткен халықаралық “Burabay Forum” ғалымдар форумы барысында мәлімдеді.
“Қазір Қазақстан Республикасы Білім және ғылым министрлігі ашық саясат жүргізуде. Біз жас ғалымдарды тартып, жас ғалымдар кеңесін құру туралы шешім қабылдадық және 40 жасқа дейінгі елде танымал өкілдерді қостық. Жарияланымдық белсенділікке, ғылыми дәрежелерге белгілі бір талаптар бар. 10 тамызда бірінші отырысты өткіземіз. Бұл кеңестің айтарлықтай өкілеттілігі бар”, – деді министр.
Министрлік басшысы қазіргі уақытта Кеңес құрамына 30 ғалым кіретінін, олардың әр түрлі үкіметтік емес және ғылыми ұйымдарды ұсынатынын хабарлады.
“Қазір біз 2025 жылға дейін ғылым мен білім беруді дамыту бағдарламасын әзірлеп, қалыптастырған кезде жас ғалымдарды, мұғалімдерді белсенді түрде тартамыз. Жалпы, бұл орган ғылымды дамытуға белсенді ықпал етеді деп ойлаймын. Кеңес туралы нақты ереже бекітілді. Онда кандидаттар сәйкес келуі тиіс белгілі бір параметрлер бар”, – деп атап өтті ведомство басшысы.
